Sekretari i Brendshëm britanik James Cleverly ka nënshkruar një traktat me Ruandën në Kigali sot, për menaxhimin e flukseve të emigrantëve të paligjshëm.

Pas nënshkrimit të traktatit ka reaguar kryeministri britanik Rishi Sunak, në platformën e rrjeteve sociale “X”.

“Kur thashë se do të ndaloja gomonet, e kisha me të vërtetë. Ne kemi nënshkruar një traktat me Ruandën duke bërë të qartë se jemi të vendisur kush vjen në vend, jo bandat kriminale”.

Nga ana tjetër, Cleverly, duke folur për transmetuesit nga Ruanda, ai u pyet nëse ka besim se emigrantët do të shkojnë në Ruandë në muajt e ardhshëm, tha: “Nuk shoh asnjë arsye pse kjo të mos ndodhë”.

Më tej ai vazhdon duke thënë se çështjet e ngritura nga Gjykata e Lartë janë adresuar.

Cleverly tha se Ruanda ka “një histori shumë të mirë të menaxhimit të refugjatëve” dhe ka “një qeveri që e merr detyrën e saj për trajtimin human dhe profesional të refugjatëve jashtëzakonisht seriozisht”.

“Kështu që unë nuk mund të shoh ndonjë arsye pse duhet të ketë një pengesë të mëtejshme për të bërë atë që është gjëja e duhur për t’u bërë, që është të mbështesim Ruandën ndërsa merret me këtë çështje ndërkombëtare,” shtoi ai.

I pyetur nëse ai mund të garantojë se emigrantët do të mbërrijnë në Ruandë përpara zgjedhjeve të ardhshme të përgjithshme, sekretari i brendshëm u përgjigj: “E vetmja gjë që mund të garantoj është përpjekja që ne bëjmë.

I sfiduar sërish nëse varkat e vogla do të ndalen deri në zgjedhjet e ardhshme, Cleverly u përgjigj: “Ne synojmë të ndalojmë varkat sa më shpejt që të jetë e mundur. Nuk do të vendos një afat. Dua ta bëj sa më shpejt që të jetë e mundur. “

The post Rishi Sunak reagon pas nënshkrimit të traktatit mes Britanisë dhe Ruandës për menaxhimin e emigrantëve të paligjshëm appeared first on .