Përmbytjet, breshri dhe ngjarje të tjera ekstreme të motit u kanë shkaktuar kompanive gjermane të sigurimeve humbje me vlerë 4,9 miliardë euro (5,4 miliardë dollarë) në 2023, ose paraprakisht 900 milionë euro më shumë se në vitin 2022, njoftoi sot Shoqata Gjermane e Sigurimeve (GDV).
Humbjet kanë ardhur nga dëmtimet e shtëpive, bizneseve dhe mjeteve motorike që kanë qenë të siguruara.
“Për fat të keq, ato janë mjaft të qëndrueshme në nivelin e lartë të mesatares afatgjatë prej 4,9 miliardë eurosh”, tha drejtori menaxhues i GDV, Jörg Asmussen.
“Në gusht, stuhitë shkaktuan dëme që arrijnë në 1,5 miliardë euro, pothuajse një e treta e totalit. Stuhitë u ndezën gjithashtu në qershor, duke shkaktuar qindra milionë euro dëme”, tha GDV.
Dëmet e shkaktuara nga stuhitë dhe breshëri kanë arritur në 2,7 miliardë euro.
Përmbytjet dhe stuhitë e tjera përbënin 900 milionë euro, më pak se mesatarja. Megjithatë, sipas GDV-së, dëmi i automjeteve të siguruara ishte mbi mesataren afatgjatë në 1,3 miliardë euro./
The post GJERMANI – Dëmet nga moti ekstrem arrijnë në 5,4 miliardë dollarë në 2023 appeared first on ALBUK UK NEWS.
