Ministri i Infrastrukturës, Liburn Aliu, ka njoftuar përmes një postimi në Facebook për inagurimin e një rruge të re në rajonin e Hasit, e cila lidh banorët e Gjakovës me Krumen dhe Dobrunën në Shqipëri.

Kjo rrugë, e cila përshkon një gjatësi prej 10 kilometrash, ka rëndësi të madhe për afrimin e shqiptarëve në kufirin mes Kosovës dhe Shqipërisë.

“Sapo bëmë inagurimin e rrugës në Has, rrugë kjo e rëndësishme që përshkon gjatësinë prej 10 km, e që njëherit afron shqiptarët në kufirin në mes të Shqipërisë e Kosovës. Pas marrëveshjes ndërshtetërore për projektin Kërstec-Pakisht-Zapod, sot inaguruam mbarimin e asfaltimit të rrugës, që e lidh Gjakovën me Krumën e Dobrunën, rrugë kjo jetike dhe me rëndësi të madhe për të gjithë qytetarët, veçanërisht për banorët e zonës,” ka shkruar Aliu.

Kjo rrugë pritet të lehtësojë ndjeshëm lëvizjen e banorëve dhe të rrisë bashkëpunimin ekonomik e social mes dy vendeve, duke përforcuar lidhjet mes shqiptarëve të Kosovës dhe Shqipërisë.

The post Inagurohet rruga që lidh Gjakovën me Krumën dhe Dobrunën në Shqipëri appeared first on ALBUK UK NEWS.