Prokurorët gjermanë kanë akuzuar 27 të dyshuar, pjesëtarë të ekstremit të djathtë për planifikimin e një grushti shteti të dhunshëm. Të dyshuarit akuzohen për anëtarësim në lëvizjen ekstremiste Reichsbürger.
“Anëtarët e grupit kundërshtuan me forcë institucionet shtetërore dhe rendin e lirë kushtetues demokratik”, thuhet në aktakuzë. Ata janë kryesisht bashkëpunëtorë të Princit Reuss, një figurë e Reichsbürger nga një familje aristokrate gjermane.
Prokurorët kanë akuzuar 27 personat për planifikim të përmbysjes së sistemit politik demokratik të Gjermanisë. Sipas tyre u bënë përgatitje konkrete për një grusht shteti duke filluar në verën e 2021.
Plani ishte të merrej pushteti duke pushtuar Bundestagun, parlamentin gjerman, me një grup të vogël të armatosur. Komplotuesit kishin përcaktuar edhe se si do të funksiononte shteti i tyre i ri pas grushtit të shtetit.
Princi Reuss ishte planifikuar të ishte kreu i shtetit. Me marrjen e detyrës, ai do të negocionte një traktat paqeje me fuqitë aleate që fituan Luftën e Dytë Botërore. Sipas prokurorëve Princi Reuss u përpoq të takonte përfaqësuesit e qeverisë ruse për të fituar mbështetje për grushtin e shtetit.
The post Planifikuan rrëzimin e qeverisë me dhunë, 27 pjesëtarë të ekstremit të djathtë gjerman nën akuzë, kreu i tyre u takua me… appeared first on ALBUK UK NEWS.
