Në gjykatën e Posaçme po zhvillohet sot seanca në ngarkim të kryetarit të zgjedhur të Bashkisë së Himarës, Fredi Beleri.

Në këtë seancë do të dëshmonte i akuzuari tjetër, Pandeli Kokaveshi, i cili sipas avokatët mbrojtës, ndodhet në Athinë për shkak të gjendjes shëndetësore.

Avokati ka treguar një dokument me vulë apostile, ku deklaronte se do të kryente një vizitë mjekësore të planifikuar shumë kohë më parë.

Në një tjetër deklaratë para autoriteteve greke që do të vihej në dispozicion të palës shqiptare, rezulton se Kokaveshi nuk e jepte pëlqimin për të dhënë shpjegime në këtë seancë. Në këto kushte, automatikisht kalohet me leximin e deklarimeve të tij, ku ka mohuar akuzat.

Gjithashtu, në seancën e sotme po shqyrtohen edhe provat shkencore, ku Prokuroria ka dispozicion rreth 19 faqe me prova.

The post Gjyqi ndaj Fredi Belerit/ I akuzuari tjetër ndodhet në Greqi, refuzon të japë shpjegime në seancë appeared first on ALBUK UK NEWS.