Ushtria izraelite tha se 21 ushtarë të saj janë vrarë në Gaza, dita më vdekjeprurëse për forcat izraelite që nga fillimi i operacionit të tyre tokësor. Një zëdhënës i Forcave të Mbrojtjes të Izraelit (IDF), Daniel Hagari, tha se militantët e Hamas goditën me grantë një tank pranë dy ndërtesave.

Ai tha se ndërtesat shpërthyen ndoshta si rezultat i minave që forcat izraelite kishin vendosur atje për t’i shkatërruar ato.

Ai tha se ushtarët, shumica e të cilëve ishin rezervistë, ishin përfshirë në një operacion për të lejuar banorët e Izraelit jugor të ktheheshin të sigurt në shtëpitë e tyre pasi dhjetëra mijëra u evakuuan pas sulmit të Hamasit më 7 tetor.

Izraeli nisi luftën me qëllimin për të shkatërruar Hamasin pas ata vranë 1,300 persona kryesisht civilë dhe morën peng rreth 250 të tjerë në sulmin e paprecedentë.

Të paktën 25,295 njerëz,  kryesisht gra dhe fëmijë  janë vrarë në fushatën ushtarake izraelite në Gaza që atëherë, sipas ministrisë së shëndetësisë të drejtuar nga Hamasi.

The post Izraeli pretendon se 21 ushtarë izraelitë janë vrarë në Gaza appeared first on ALBUK UK NEWS.