Riviera më pak e njohur e Evropës ka plazhe që rivalizojnë Maldivet. Kështu nis shkrimi i britanikes “Daily Star”, dedikuar Riverës Shqiptare.  
Një vend i mrekullueshëm pushimesh më pak i eksploruar me plazhe të bardha, ujë të kaltër dhe hotele dhe fluturime të lira – madje edhe birra kushton më pak se 1 paund, shkruan gazeta britanike.  

Në këtë shkrim sygjerohet që për britanikët ka ardhur koha të ndryshojnë destinacionet e pushimeve. Shumë nga të preferuarit tanë të fortë si Greqia dhe Italia kanë rritur çmimet vitet e fundit, kështu që është koha për të zbuluar disa rajone më pak të njohura. Një komb që ka rrëmbyer mendjet britanike vitet e fundit është Shqipëria, e cila ndodhet pak mbi Greqinë dhe nuk është çudi kur e konsideroni rivierën e saj të lavdishme. 

Një nga zonat më mahnitëse të rivierës së Shqipërisë është Ksamili, i cili është krahasuar me Karaibe nga vizitorët. Fshati ndodhet në jug të Shqipërisë brenda Parkut Kombëtar të Butrintit dhe ka gjithçka që mund të dëshironi nga pushimet. Ksamili nuk është i vetmi qytet i mrekullueshëm për t’u shijuar në rivierën shqiptare. Saranda është kryeqyteti jozyrtar i rajonit i cili ndodhet pikërisht pranë kufirit grek. Qyteti është plot me shëtitore të ngarkuara, ballkone me pamje nga deti dhe klube nate buzë detit.   Shqipëria është një nga vendet më miqësore që do të keni ndonjëherë.  Në shkrim theksohet edhe qetësia e siguria që ofrohet në vendin tonë. Shqipëria është gjithashtu një nga vendet më pak të rrezikshme në Evropë. Një tjetër sygjerim vjen për  kuzhinën shqiptare. Por vizitorët duhet të sigurohen që të kenë një palë pantallona elastike me vete, sepse kuzhina është fantastike… dhe plotësisht e përballueshme, shkruan me humor britanikja “Daily Star”. 

The post Media britanike ”Daily Star” i bën jehonë Rivierës dhe kulinarisë shqiptare appeared first on .