Një zjarr i nisur mesditën e sotme në një qendër tregtare në Lushnje, ka shkaktuar një situatë të rëndë, teksa 42 persona kanë përfunduar në spital, për fat të mirë jashtë rrezikut për jetën.

Zjarri ka rënë në një dyqan këpucësh në katin e tretë të qendrës tregtare, dhe më pas është përhapur në gjithë qendrën, ndërsa tymi ka përfshirë të gjithë pallatin 12-katësh.

Shkak dyshohet të jetë bërë një shkëndijë në një kondicioner në dyqanin ku mendohet se nisi zjarri.

Një lokal i cili ndodhej në katin e tretë të këtij pallati 12-katësh ka qenë i gjithi prej druri, çka dyshohet se ka përhapur edhe më shumë dhe më shpejt zjarrin në gjithë qendrën.

The post Zjarri në Lushnje/ Shkak dyshohet një shkëndijë në një kondicioner, lokali prej druri përhapi me shpejtësi flakët appeared first on ALBUK UK NEWS.