Aktori i njohur Muharrem Hoxha gjatë një interviste të dhënë së fundmi ka bërë një rrëfim për jetën e tij private dhe asaj profesionale.

Ai ka treguar miqësinë e tij të ngushtë me Fadil Hasën.

“Unë kam lindur në Tiranë në lagjen dibrane. Jam 73 vjeç. Unë kam kujtime të mëdha me Fadil Hasën. Ai më ka rritur. E kam njohur, sapo mbarova ushtrinë. Puna jonë po nuk pate një të të shtyjë, nuk bën dot para. Unë kam ndërruar 8 ndërmarrje, ku shkonte Fadili, shkoja dhe unë. Shkoja me Fadilin, se nuk më fusnin profesionist.

Unë me gruan, jam njohur me shkesë. Shkesi ishte halla ime. I kam pasur të gjithë me humor, si hallën dhe babin. Dy xhajet dhe hallën i kam pasur të internuar.  Kjo më ndikoi shumë, pasi nga 7 ndërmarrje, asnjëra nuk më merrte në punë. Prandaj, më merrte Fadili me vete kudo”, rrëfeu Muharrem Hoxha.

Me lot në sy, ai foli për ndarjen nga jeta të bashkëshortes së tij dhe sesi po e përjeton largimin e saj.

Gruaja e tij ka humbur jetën prej virusit Covid-18, dhe largimi i saj e ka vrarë shumë aktorin. Ai ka treguar se pas humbjes së bashkëshortes fle gjumë me televizor ndezur, sepse nuk dëshiron që të jetë vetëm.

“Kam qenë në Pogradec kur ra pandemia. Atje kam jetuar për tre vite, lëvizja herë pas here, por karantina më zuri atje. Bashkëshortja ndërroi jetë nga Covidi. Muajin tjetër bën tre vjet. Më ka vrarë jashtë mase. Mbas fëmijëve në këtë moshë, ajo nuk zëvendësohet kurrë. Fle me televizor ndezur se nuk dua të jem vetëm. Shoh vetëm sport dhe filma. Kam qenë keq, me psikolog. Shkoja shpesh në Pogradec, sepse çdo gjë në shtëpi ishte me dorën e saj dhe doja të dilja, të ndërroja ambient”, u shpreh i përlotur aktori.

The post Humbi gruan, përlotet Muharrem Hoxha: Largimi i saj më ka vrarë shumë! appeared first on ALBUK UK NEWS.