Lamine Yamal dhe familja e tij kanë vendosur të largohen nga lagja problematike e Rokafondas për të nisur një jetë të re, pas sulmit që la babain e futbollistit të plagosur.
Sipas mediave të huaja, ata do të zhvendosen në “Sant Joan Despi”, pranë qendrës sportive të Barcelonës, ku lojtari spanjoll kalon pjesën më të madhe të kohës.
Më 14 gusht, babai i lojtarit, Munir Nasraui u godit me thikë gjatë natës në lagjen Rokafonda, vendi ku jetonte familja e sulmuesit. Ky ishte dhe momenti kur familja vendosi të largohej nga lagjja, të cilën e shihnin si shtëpinë e tyre më herët.
Lamine Yamal, sipas gazetës “Sport”, sapo ka marrë apartamentin në Sant Joan Despi, ka tërhequr dhe familjen e tij.
Në këtë mënyrë, Lamine Yamal dhe familja e tij janë larguar nga lagja Rokafonda pas incidentit që mund t’i kishte kushtuar jetën babait të tij.
Yamal është shprehur gjithmonë krenar që jetonte në këtë lagje, madje dhe festimi i tij ishte me numrin 304, që ishte prefiksi i lagjes. Kjo zonë njihet si një ndër “getot” e Barcelonës, ku mbizotërojnë bandat.
The post Dikur mburrej që jetonte aty/ Lamine Yamal “braktis” lagjen problematike, ja arsyeja pas vendimit appeared first on ALB UK News Zeri i diaspores.
