Britney Spears ka ndarë një foto të rreth 25 vjetëve më parë. Në pamje të parë, dukej e një foto e thjeshtë e vjetër ku ylli i popit pozonte me dy miq. Por, përkrah Spears qëndron Ben Affleck dhe e gjitha qëndron te teksti me të cilin ajo e ka shoqëruar foton.

Shkrimi i Spears i çuditi të gjithë, pasi linte të kuptohet për një romancë me Affleck, gjatë kohës që ai ka qenë i lidhur me Jennifer Lopez.

“Një foto e bukur e imja, Ben Affleck dhe Diane Warren vite më parë!!!” shkruante Britney poshtë fotos. “Ai është një aktor kaq i mrekullueshëm. Mos ndoshta nuk e përmenda se u putha me Ben-in atë natë… Sinqerisht e kam harruar… Oh , thjesht po bëj thashetheme…”

Spears e fshiu postimin menjëherë, ndoshta pasi kuptoi potencialin e tij për të shkaktuar dëm. Megjithatë, dëmi ishte bërë, pasi postimi bëri shpejt xhiron e rrjetit.

Thashethemet për një lidhje mes Spears dhe Affleck kanë qarkulluar për vite me radhë – të përforcuara nga detaje si shkrimi i emrit të Affleck në dorën e Spears në një video muzikore – por asnjë dëshmi konkrete për një romancë nuk ishte shfaqur ndonjëherë… deri më tani.

The post Britney Spears rrëfen papritur se ka puthur Ben Affleck gjatë kohës që ai ka qenë i fejuar me J.Lo-në appeared first on ALBUK UK NEWS.