Një deputete e Parlamentit të Serbisë, Milica Djurdjeviç, i ka bërë një dhuratë provokuese një prej deputetëve gjermanë gjatë një takimi në Gjermani.

Djurdjeviç gjatë një vizite në Bundestag, ka takuar deputetin gjerman nga partia e esktremit te djathtë, AfD, Tino Chrupalla, si dhe i ka dhuruar atij një bluzë me mbishkrimin “nuk ka dorëzim”, ku harta e Kosovës ishte e mbuluar me flamurin serb.

Ka qenë vetë deputetja e cila ka ndarë në “X” foto nga takimi me deputetin Chrupalla, ndërsa ka shkruar më tej se “në Gjermani dhe kudo: Kosova është Serbi”.

“Në Gjermani dhe kudo: KOSOVA ËSHTË SERBI! Sot në Berlin në Bundestag pata një takim me kryetarin e Alternativës për Gjermaninë, Tino Chrupalla… AFD e tij është opsioni kryesor sovranist dhe shtetndërtues në Gjermani”, shkruan ajo.

The post Fushata agresive kundër Kosovës, deputetja serbe ia dhuron deputetit gjerman bluzën me hartën e Kosovës, mbuluar me flamurin e Serbisë appeared first on .