ALBUK TV LIVE

Dhunoi barbarisht 3-vjeçaren në kopësht, Prokuroria kërkon masën ‘arrest në burg’ për edukatoren

Prokuroria e Tiranës ka kërkuar caktimin e masës arrest në biurg të edukatores që u shfaq duke dhunuar një 3-vjeçare në një kopësht privat, e cila më pas përfundoi me këmbë të thyer në spital.

Kjo masë u kërkua pas marrjes në dorëzim të procesverbalit për kqyrjen e pamjeve filmike, shkruhet në njoftimin e Prokurorisë.

Masa arrest në burg, për shtetasen me iniciale M.D. kërkohet për veprën penale “Keqtrajtim i të miturit”.

Njoftimi i Prokurorisë:

Prokuroria pranë Gjykatës së Juridiksionit të Përgjithshëm Tiranë kërkoi caktimin e masës së sigurimit “Arrest në burg” parashikuar nga neni 238 i K.Pr.Penale, për personin nën hetim M. D., për veprën penale “Keqtrajtim i të miturit”, të parashikuar nga neni 124/b/1 i K.Penal.

Kjo masë u kërkua menjëherë pas marrjes në dorëzim ditën e sotme, më dt. 09.11.2023, të procesverbalit për kqyrjen e pamjeve filmike (usb), i cili është mbajtur më dt. 08.11.2023. Me shkresën nr. 9538/1 prot., dt. 08.11.2023, protokolluar në Prokurori me nr. 10983 prot., dt. 09.11.2023, Instituti i Mjekësisë Ligjore, ka përcjellë aktin e ekspertimit mjeko-ligjor.

Prokuroria pranë Gjykatës së Juridiksionit të Përgjithshëm Tiranë, po kryen veprimet e tjera procedurale për dokumentimin e faktit, në kuadër të procedimit penal nr. 7527, i regjistruar pas kallëzimit mbi bazën e materialeve të referuara nga Drejtoria e Policisë së Qarkut Tiranë, Komisariati i Policisë nr.1, për Veprën Penale “Keqtrajtimi i të miturit”, parashikuar nga neni 124/b i Kodit Penal.

Ndërkohë, sot, para ministrisë së Arsimit, qytetarët janë mbledhur sërish në protestë, ndërsa kërkojnë arrestimin e edukatores, dhe kontrolle në të gjitha kopshtet private.

The post Dhunoi barbarisht 3-vjeçaren në kopësht, Prokuroria kërkon masën ‘arrest në burg’ për edukatoren appeared first on .

Leave a Comment

Your email address will not be published. Required fields are marked *